പ്രായപൂര്ത്തിയാകാത്ത പെണ്കുട്ടികളെ ലൈംഗികമായി പീഢിപ്പിച്ച കേസില് രണ്ട് യുവാക്കള് അറസ്റ്റില്
ഇടുക്കി : പ്രായപൂര്ത്തിയാകാത്ത മൂന്നു പെണ്കുട്ടികളെ ലൈംഗികമായി പീഡിപ്പിച്ച കേസില് രണ്ടു യുവാക്കളെ പൊലീസ് പിടികൂടി. ഇടുക്കി വണ്ടന്മേട് കുടശ്ശിക്കടവ് സ്വദേശി പുളയുകല്ലേല് ശ്രീജിത്ത് (ഉണ്ണി21), ഇടുക്കി സ്വദേശി ചന്തയത്ത് രതീഷ് (31) എന്നിവരാണ് പിടിയിലായത്. പെണ്കുട്ടികളുടെ ബന്ധുക്കളാണ് പ്രതികള്. കുട്ടികളുടെ വീടുകളില് വച്ചും ബന്ധുവീടുകളില് വച്ചും പീഡിപ്പിച്ചതായാണ് പരാതി. പരാതി ഉയര്ന്നതിനെ തുടര്ന്ന് ഇടുക്കി സിഐ സിബിച്ചന് ജോസഫിന്റെ നേതൃത്വത്തിലുള്ള പൊലീസ് ഇരുവരെയും അറസ്റ്റുചെയ്യുകയായിരുന്നു. മുരിക്കാശ്ശേരി എസ്.ഐ. വി.ഡി.ജോസഫ്, എഎസ്ഐ.മാരായ അലി, ഷിബുമോന്, ജൂഡി ടി.പി. എന്നിവര് പ്രതികളെ പിടികൂടാന് നേതൃത്വം നല്കി. പ്രതികളെ ഇന്ന് കോടതിയില് ഹാജരാക്കും.