പിതാവിനോടൊപ്പം ബൈക്കിൽ സഞ്ചരിച്ചിരുന്ന വിദ്യാർഥിനി ടിപ്പറിടിച്ചു മരിച്ചു
കോട്ടയം: ചങ്ങനാശേരിയിൽ പിതാവിനോടൊപ്പം ബൈക്കിൽ സഞ്ചരിച്ചിരുന്ന വിദ്യാർഥിനി ടിപ്പറിടിച്ചു മരിച്ചു. വടവാതൂർ ഗിരിദീപം കോളജിലെ ബിസിഎ വിദ്യാർഥിനി കുമരങ്കരി കാട്ടടി മാത്യുവിന്റെ (റെജി) മകൾ ടിനു മാത്യു (19) ആണ് മരിച്ചത്. എതിരേ ടിപ്പർ വരുന്നത് കണ്ട് മാത്യു ബൈക്ക് വെട്ടിച്ചപ്പോൾ ടിനു റോഡിലേക്ക് തെറിച്ചു വീഴുകയായിരുന്നുവെന്ന് പോലീസ് പറഞ്ഞു.
ടിപ്പറിന്റെ ചക്രത്തിനടിയിൽപ്പെട്ട് ഗുരുതരമായി പരിക്കേറ്റ ടിനുവിനെ തിരുവല്ല പുഷ്പഗിരി മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. മാതാവ്: കുഞ്ഞുമോൾ (മിത്രക്കരി, മോളിപ്പടവിൽ). ഏക സഹോദരി: ടിൻസി (സിഎ വിദ്യാർഥിനി).