നോട്ട് പ്രതിസന്ധിക്ക് പിന്നാലെ മൊബൈൽ പ്രതിസന്ധിയും
ഡല്ഹി : അപ്രതീക്ഷിത നോട്ട് അസാധുവാക്കലിന്റെ കെടുതികള് തീരുന്നതിന് മുന്പേ പുതിയ നിലപാടുമായി കേന്ദ്ര സര്ക്കാര് രംഗത്ത്. മൊബൈല് ഫോണ് റീചാര്ജ് ചെയ്യണമെങ്കില് ആധാര്കാര്ഡോ തിരിച്ചറിയല് കാര്ഡോ കാണിക്കണമെന്ന നിബന്ധനയാണ് കേന്ദ്രം പുതുതായി മുന്നോട്ടു വച്ചിരിക്കുന്നത്. ഒരു വര്ഷത്തിനുള്ളില് പുതിയ പരിഷ്കാരം നടപ്പില് വരുത്തുമെന്നാണ് സൂചന.
ആള്മാറാട്ടം, സാന്പത്തിക കുറ്റകൃത്യങ്ങള്, മറ്റു ക്രിമിനല് പ്രവര്ത്തികള് എന്നിവ തടയാനാണ് പുതിയ പരിഷ്കാരം കൊണ്ട് ലക്ഷ്യമിടുന്നതെന്നും കേന്ദ്രം സുപ്രീം കോടതിയെ അറിയിച്ചു. ചീഫ് ജസ്റ്റിസ് ഖേഹാറിന്റെ നേതൃത്വത്തിലുള്ള ബെഞ്ച് പരിഗണിച്ച പൊതുതാത്പര്യ ഹര്ജിക്കുള്ള മറുപടിയായാണ് കേന്ദ്രം ഇക്കാര്യം കോടതിയെ ധരിപ്പിച്ചത്.