ഉമ്മന് ചാണ്ടി ഉള്പ്പെടെ പത്തു മുന്മന്ത്രിമാര്ക്കെതിരെ വിജിലന്സ് അന്വേഷണം
തിരുവനന്തപുരം: യുഡിഎഫ് സര്ക്കാരിന്റെ കാലത്തുനടന്ന ബന്ധുനിയമനങ്ങളുമായി ബന്ധപ്പെട്ട് മുന് മുഖ്യമന്ത്രി ഉമ്മന് ചാണ്ടി ഉള്പ്പെടെ പത്തു മുന്മന്ത്രിമാര്ക്കെതിരെ വിജിലന്സ് അന്വേഷണത്തിന് ഉത്തരവിട്ടു. തിരുവനന്തപുരം വിജിലന്സ് കോടതിയുടേതാണ് ഉത്തരവ്. ഫെബ്രുവരി ആറിനകം റിപ്പോര്ട്ട് സമര്പ്പിക്കാനാണ് നിര്ദ്ദേശം. മുന്മന്ത്രിമാരായ വി.എസ്. ശിവകുമാര്, അനൂപ് ജേക്കബ്, രമേശ് ചെന്നിത്തല, പി.കെ. ജയലക്ഷ്മി, കെ.സി. ജോസഫ്, കെ.എം. മാണി തുടങ്ങിയവരും അന്വേഷണത്തിന്റെ പരിധിയിലുണ്ട്.
ഈ പ്രാഥമിക അന്വേഷണ റിപ്പോര്ട്ടിന്റെ അടിസ്ഥാനത്തിലാകും ഇവര്ക്കെതിരെ കേസ് റജിസ്റ്റര് ചെയ്യണോ എന്ന കാര്യം തീരുമാനിക്കുക. ആരൊക്കെയാണ് അനധികൃതമായി ബന്ധുക്കളെ നിയമിച്ചത്, ഇക്കാര്യത്തില് ഏതൊക്കെ മാനദണ്ഡങ്ങളാണ് ലംഘിക്കപ്പെട്ടത് തുടങ്ങിയ വിഷയങ്ങളാകും വിജിലന്സിന്റെ പ്രാഥമിക അന്വേഷണത്തിന്റെ പരിധിയില് വരുക.