ആപ്പിള് ഫെസ്റ്റില് ഐഫോണുകള്ക്ക് വന് ഓഫര്
ഡൽഹി: ഫ്ലിപ്കാര്ട്ടും ആപ്പിളും ചേര്ന്ന് നടത്തുന്ന ആപ്പിള് ഫെസ്റ്റില് ഐഫോണുകള്ക്ക് വന് ഓഫര്. ഐഫോണ് 7 മുതല് ഐഫോണ് 5 എസിനു വരെ വന് ഓഫറുകളാണ് പ്രഖ്യാപിച്ചിരിക്കുന്നത്. ഐഫോണ് 7 ന് 5000 രൂപയും, ഐഫോണ് 6 ന് 7990 രൂപയും വിലക്കുറവ് നല്കുന്നുണ്ട്. ഐഫോണ് 7 32ജിബി, 128 ജിബി, 256 ജിബി പതിപ്പുകള്ക്ക് യഥാക്രമം 55,000, 65,000, 75,000 രൂപയ്ക്ക് ലഭിക്കും.
ഇതിനു പുറമെ ഫ്ലിപ്കാര്ട്ട് നല്കുന്ന എക്സേഞ്ച് ഓഫര് 20,000 രൂപയാണ്. ആക്സിസ് ബാങ്കിന്റെ ബസ്സ് ക്രെഡിറ്റ് കാര്ഡ് ഉപയോഗിച്ച് വാങ്ങുന്നവര്ക്ക് 5 ശതമാനം ഇളവും നല്കും. എന്നാല് ഐഫോണ് 7 പ്ലസ് ഐഫോണ് 6 എസ് ഹാന്ഡ്സെറ്റുകള്ക്ക് ഓഫര് പ്രഖ്യാപിച്ചിട്ടില്ല.
ഈ ഫോണുകള്ക്ക് ഫ്ലിപ്കാര്ട്ടിന്റെ 23,000 രൂപ വരെ എക്സേഞ്ച് ഓഫര് ലഭിക്കും. ഐഫോണ് 6 ,16 ജിബിയ്ക്ക് 5000 രൂപ ഇളവ് നല്കുന്നുണ്ട്. എക്സേഞ്ച് ഓഫറായി 24,000 രൂപയുടെ ഇളവും ലഭിക്കും. അതേസമയം, ഇന്ത്യയില് ഏറ്റവും കൂടുതല് വില്പന നടക്കുന്ന ഐഫോണ് 5 എസ് ഫ്ലിപ്കാര്ട്ട് ആപ്പിള് ഫെസ്റ്റില് കേവലം 4,999 രൂപയ്ക്ക് ലഭിക്കും. 19,999 രൂപ വിലയുള്ള ഹാന്ഡ്സെറ്റിനു ഫ്ലിപ്കാര്ട്ട് 15,000 രൂപ വരെ എക്സേഞ്ച് ഓഫറും നല്കുന്നുണ്ട്. ഇതോടെ 4999 രൂപ നല്കിയാല് ഐഫോണ് 5എസ് സ്വന്തമാക്കാം. ആപ്പിള് വാച്ചുകള്ക്കും ഓഫര് പ്രഖ്യാപിച്ചിട്ടുണ്ട്.