ഒഴുക്കില്‍ പെട്ട മക്കളെ രക്ഷിക്കാന്‍ ചാടിയ പിതാവിനെ കാണാതായി
കോട്ടയം : മണിമലയാറ്റില്‍ ഒഴുക്കില്‍ പെട്ട മക്കളെ രക്ഷിക്കാന്‍ ചാടിയ പിതാവിനെ കാണാതായി. മണിമല കറിക്കാട്ടൂര്‍ ഏറത്തേടത്ത് മനോജിനെയാണ് കാണാതായത്. ചൊവ്വാഴ്ച വൈകുന്നേരം അഞ്ചുമണിയോടെ വെള്ളാവൂര്‍ തൂക്കുപാലത്തിന് സമീപമാണ് സംഭവം. തൂക്കുപാലം കാണാന്‍ വന്നതായിരുന്നു മനോജും ഭാര്യ നൈസും മക്കളായ സാല്‍വിനും സിയായും.
വെള്ളത്തില്‍ ഇറങ്ങിയ കുട്ടികള്‍ ഒഴുക്കില്‍പെട്ടപ്പോള്‍ ഇവരെ രക്ഷിക്കാനുള്ള ശ്രമത്തില്‍ മനോജ്‌ ഒഴുക്കില്‍പ്പെടുകയായിരുന്നു. കുട്ടികളെ നാട്ടുകാര്‍ ചേര്‍ന്ന് രക്ഷപെടുത്തി.മനോജിനായി മണിമല പോലീസും കാഞ്ഞിരപ്പള്ളിയില്‍ നിന്നെത്തിയ ഫയര്‍ഫോഴ്‌സ് ടീമും നാട്ടുകാരുടെ സഹായത്തോടെ തെരച്ചില്‍ നടത്തിയെങ്കിലും കണ്ടെത്താനായില്ല. തെരച്ചില്‍ ഇന്നും തുടരുന്നുണ്ട്.
