നീറ്റ്പരീക്ഷ മെയ്‌ആറിന്, ഓണ്‍ലൈന്‍ രജിട്രേഷന് ആരംഭിച്ചു
ഡല്‍ഹി: എംബിബിഎസ്, ബിഡിഎസ് തുടങ്ങിയ കോഴ്സുകളിലേക്കുള്ള അഖിലേന്ത്യ എന്‍ട്രന്‍സ് പരീക്ഷയായ നീറ്റ് മെയ് ആറാം തിയതി വിവിധ കേന്ദ്രങ്ങളില്‍ നടക്കും . ഇതിനായുള്ള ഓണ്‍ലൈന്‍ രജിസ്ട്രേഷന്‍ ആരഭിച്ചെന്ന് അറിയിച്ച സിബിഎസ്‌ഇ അപേക്ഷ സമര്‍പ്പിക്കാന്‍ ആധാര്‍ വിവരങ്ങള്‍ നിര്‍ബന്ധമാക്കി.
മാര്‍ച് ഏഴ് വരെ അപേക്ഷിക്കാം . രാവിലെ പത്തു മുതല്‍ ഒരു മണിവരെയായിരിക്കും പരീക്ഷ . ഹിന്ദി, ഇംഗ്ലീഷ് , ഉറുദു , ഗുജറാത്തി ,മറാത്തി , ഒറിയ , ബംഗാളി , ആസ്സാമീസ് , തെലുങ്കു , തമിഴ്, കന്നഡ ഭാഷകളില്‍ പരീക്ഷയെഴുതാം.
പ്രായപരിധി 17 – 25 വയസ്സ് .കെമിസ്ട്രി, ബയോളജി, ബയോടെക്നോളജി എന്നിവക്ക് കുറഞ്ഞത് 50 ശതമാനം മാര്‍ക്കുള്ളവര്‍ക്ക് നീറ്റിനു അപേക്ഷിക്കാം .
രജിട്രേഷന് ആധാര്‍ നിർബന്ധമാക്കിയെങ്കിലും ജമ്മു കാശ്മീര്‍ , അസം , മേഖാലയ സംസ്ഥാങ്ങളില്‍ നിന്നുള്ളവര്‍ക്ക് ഇത് ബാധകമല്ല .
എന്‍ആര്‍ഐ അപേക്ഷകര്‍ പാസ്പോർട്ട് നമ്പര്‍ ഹാജരാകാക്കണം. ജനറല്‍ കാറ്റഗറിക്കും ഒബിസി വിദ്യാര്‍ഥികള്‍ക്കും 1500 രൂപയും , മറ്റ് സംവരണ വിഭാഗങ്ങള്‍ക്ക് 750 രൂപയുമാണ് ഫീസ്.
