കോതമംഗലത്ത് പകൽ സമയം വീട്ടിൽ മോഷണം നടന്നു
.
കൊയിലാണ്ടി: കൊയിലാണ്ടി കോതമംഗലത്ത് വീട്ടിൽ മോഷണം നടന്നു. പകൽ സമയത്ത് ആയനാർ കുനിയിൽ വിജയന്റെ വീട്ടിലാണ് മോഷണം നടന്നത്. സ്വർണവും പണവും മോഷ്ടിച്ചു. ഇന്ന് രാവിലെ 9:45ന് ഡോക്ടറെ കാണിക്കുവാൻ ചേലിയ ഡിസ്പെൻസറിയിൽ പോയതായിരുന്നു. 12.15ന് വീട്ടിൽ തിരിച്ചു വന്നപ്പോൾ വീടിന്റെ വടക്കുഭാഗത്തെ വാതിലിന്റെ പൂട്ടു പൊളിച്ച് കള്ളൻ അകത്തു കയറി മോഷണം നടത്തിയാതായി കാണുകയായിരുന്നു.
.
.
ഒരു പവൻ്റെ വളയും, അര പവൻ്റെ രണ്ടു മോതിരവും, ഷോക്കേസിൽ വെച്ചിരുന്ന താക്കോലെടുത്ത് അലമാര തുറന്നു പേഴ്സിൽ നിന്ന് 9000 രൂപയും കളവു പോയിട്ടുണ്ട്. പോലീസിൽ വിവരം അറിയിച്ചതിനെ തുടർന്ന് കൊയിലാണ്ടി പോലീസ് അന്വേഷണം നടത്തിവരികയാണ്. പ്രദേശത്തെ സിസിടിവി പരിഷേധിച്ച് വരികയാണ്.
