കുറുവങ്ങാട് ഐടിഐയിലെ പൂർവ്വ വിദ്യാർത്ഥി അനുമോദനം മെയ് 28 ന്
.
കൊയിലാണ്ടി: കേരള സർക്കാർ, പട്ടികജാതി വികസന വകുപ്പിന് കീഴിലുള്ള കുറുവങ്ങാട് ഐടിഐ യിൽ പഠിച്ച് പ്ലേസ്മെന്റ് നേടിയ പൂർവ്വ വിദ്യാർത്ഥികളെ അനുമോദിക്കുന്നു. മെയ് 28 ന് നടക്കുന്ന ” റിഥം 2026″ ഐടിഐ കലോത്സവത്തിൽ വെച്ചാണ് അനുമോദനം നൽകുന്നത്. കലോത്സവം ഉച്ചക്ക് 2 മണിക്ക് കൊയിലാണ്ടി എംഎൽഎ അഡ്വ. കെ. പ്രവീൺകുമാർ ഉദ്ഘാടനം ചെയ്യും. നഗരസഭ ചെയർപേഴ്സൺ യു. കെ ചന്ദ്രൻ അദ്ധ്യക്ഷത വഹിക്കും.
1992 ൽ ആരംഭിച്ച കുറുവങ്ങാട് ഐടിഐ യിൽ നിന്നും ഡി/സിവിൽ, സർവ്വേയർ, പ്ലoബർ ട്രേഡുകളിലായി കോഴ്സ് വിജയകരമായി പൂർത്തികരിച്ച് സർക്കാർ, പൊതു, സ്വകാര്യ, സ്വയം തൊഴിൽ മേഖലകളിൽ കരിയർ കണ്ടെത്തിയിട്ടുള്ള പൂർവ്വ വിദ്യാർത്ഥികളെയാണ് അനുമോദിക്കുന്നത്. തുടർന്ന് ഐടിഐ വിദ്യാർത്ഥികളുടെയും പൂർവ്വ വിദ്യാർത്ഥികളുടെയും കലാപരിപാടികൾ, മ്യൂസിക്യൂ കൊയിലാണ്ടി അവതരിപ്പിക്കുന്ന സംഗീത പരിപാടി എന്നിവ അരങ്ങേറും.
