സ്വർണവില വീണ്ടും വർധിച്ചു; പവന് 93,720 രൂപ

.

സംസ്ഥാനത്ത് സ്വർണവില വർധിച്ചു. 1680 രൂപ വർധിച്ച് ഒരു പവന് 93,720 രൂപയായി. ഒരു പവൻ സ്വർണത്തിന് 92040 രൂപയായിരുന്നു വില. ഇതിലാണ് ഒറ്റയടിക്ക് 1680 രൂപ വർധിച്ചത്. ഒരു ഗ്രാമിന് 210 രൂപ വർധിച്ചു. വിവാഹപ്പാർട്ടിക്കാർക്ക് അടക്കം വലിയ തിരിച്ചടിയാണ് വില വർധനവിലൂടെ ഉണ്ടായിരിക്കുന്നത്. ഈ മാസത്തെ ഏറ്റവും ഉയർന്ന വിലയാണ് ഇന്ന് രേഖപ്പെടുത്തിയിരിക്കുന്നതും. അതേസമയം, ഉച്ച കഴിഞ്ഞ് വില വീണ്ടും വർധിക്കുമോ എന്ന ആശങ്കയും നിലനിൽക്കുന്നുണ്ട്.

നവംബർ 5 ന് 89,080 രൂപയായിരുന്നു വില. വില കുറഞ്ഞത് കുറച്ച് ആശ്വാസം നൽകിയെങ്കിലും അല്പനേരത്തെ ആയുസ് മാത്രമേ അതിനുണ്ടായിരുന്നുള്ളു. ഒക്ടോബര്‍ മാസം സ്വർണം റെക്കോർഡ് വിലയിലെത്തിയിരുന്നു. 97,000 രൂപയായിരുന്നു അന്ന് ഒരു പവന്റെ വില. പണിക്കൂലി കൂടി ചേർത്ത് അന്ന് ആഭരണ വില ഒരു ലക്ഷം കടന്നിരുന്നു.

Advertisements