തിക്കോടിയിൽ കെ-റെയിൽ വിരുദ്ധ കൺവെൻഷൻ സംഘടിപ്പിച്ചു

തിക്കോടി: തിക്കോടിയിൽ കെ-റെയിൽ വിരുദ്ധ കൺവെൻഷൻ സംഘടിപ്പിച്ചു. കെ-റെയിൽ പദ്ധതിക്കുനേരെയുള്ള സമരം ശക്തമാക്കാൻ കൺവെൻഷൻ തീരുമാനിച്ചു. പരിസ്ഥിതി, സാമൂഹികാഘാത പഠനങ്ങൾ നടത്താതെ പതിനായിരങ്ങളെ കുടിയിറക്കുന്നതും അശാസ്ത്രീയവും അവ്യക്തവുമായ ഡി.പി.ആർ. റിപ്പോർട്ടിന്റെ അടിസ്ഥാനത്തിൽ നടപ്പാക്കുന്നതുമാണ് പദ്ധതിയെന്ന് യോഗം ആരോപിച്ചു. കെ-റെയിൽ അനുകൂലികൾ നടത്തുന്ന സർവേകളെ ബഹിഷ്കരിക്കും. പദ്ധതി ബാധിക്കുന്നവരുടെ കുടുംബയോഗം മാർച്ച് 12-ന് കെ.കെ. രമ എം.എൽ.എ.യെ പങ്കെടുപ്പിച്ച് നടത്തും. കെ-റെയിൽ വിരുദ്ധ സമിതി ചെയർമാൻ സന്തോഷ് തിക്കോടി അധ്യക്ഷനായി. വാർഡ് മെമ്പർ കെ.പി. ഷക്കീല, ടി.വി. മുഹമ്മദ് നജീബ്, സജീവൻ തിക്കോടി, മൊയ്തീൻ ആരോമ, രാഘവൻ അനഘ, ശ്രീധരൻ ചെമ്പുഞ്ചില, വി.കെ. പ്രേമൻ, എൻ.കെ. സത്യൻ, കെ.ആർ.കെ. രാധാകൃഷ്ണൻ എന്നിവർ സംസാരിച്ചു.