കൊയിലാണ്ടി: ദേശീയപാതയില് പൊളിഞ്ഞ ചെങ്ങോട്ടുകാവ് മേല്പാലം റോഡ് മന്ത്രി പി.എ. മുഹമ്മദ് റിയാസ് സന്ദര്ശിച്ചു. അടിയന്തരമായി അറ്റകുറ്റപ്പണികള് നടത്താന് മന്ത്രി നിര്ദേശിച്ചു. റോഡ് പ്രവൃത്തി തിങ്കളാഴ്ച തുടങ്ങും.
മഴക്കാലമാകുമ്ബോള് പൊട്ടിത്തകരുന്നതാണ് റോഡിെന്റ അവസ്ഥ. ഇനി അങ്ങനെയുണ്ടാവരുതെന്നും പ്രവൃത്തി കാര്യക്ഷമമായി നടത്തണമെന്നും മന്ത്രി പറഞ്ഞു. മഴക്കാലത്തെ റോഡ് പ്രവൃത്തി ഒഴിവാക്കണം. വേനല്ക്കാലത്ത് വേണ്ട സംവിധാനം ഏര്പ്പെടുത്തണം. ജനങ്ങളുടെ പരാതി ലഭിച്ചാല് നേരിട്ടെത്തി പരിശോധന നടത്തുമെന്നും മന്ത്രി വ്യക്തമാക്കി. മന്ത്രിയുടെ വരവറിഞ്ഞ് ശനിയാഴ്ച രാത്രി തകര്ന്ന പലയിടങ്ങളിലും അറ്റകുറ്റപ്പണികള് നടത്തിയിരുന്നു.
റോഡിെന്റ തകര്ച്ച മേഖലയില് രൂക്ഷമായ ഗതാഗതക്കുരുക്കിന് കാരണമായിരുന്നു. പാലത്തിെന്റ ഇരുഭാഗങ്ങളിലുമായി 150 മീറ്റര് നീളത്തിലാണ് ടാറിങ് നടത്തുക. പാലത്തിെന്റ തകര്ന്ന കൈവരിയും താഴെയുള്ള സര്വിസ് റോഡും നന്നാക്കുന്നതിന് നേരത്തെ 32 ലക്ഷം അനുവദിച്ചിരുന്നു. ഈ പ്രവൃത്തി താമസിയാതെ തുടങ്ങും.
അഞ്ചു വര്ഷം മുമ്ബ് ലോറി ഇടിച്ച് തകര്ത്തതാണ് കൈവരി. കാനത്തില് ജമീല എം.എല്.എ, പന്തലായനി ബ്ലോക്ക് പഞ്ചായത്ത് അംഗം ഇ.കെ. ജുബീഷ്, വാര്ഡ് മെംബര് പുഷ്പ, ദേശീയപാത വിഭാഗം സൂപ്രണ്ടിങ് എന്ജിനീയര് ദിലീപ് ലാല്, എക്സിക്യൂട്ടിവ് എന്ജിനീയര് ജമാല് മുഹമ്മദ്, അസി. എക്സിക്യൂട്ടിവ് എന്ജിനീയര് ജാഫര് എന്നിവര് സംബന്ധിച്ചു.