സിദ്ധാന്തങ്ങളോട് കൂട്ടിയിണക്കിയല്ലാതെ ചരിത്രത്തെ പഠിക്കാനാവില്ല: രാജന് ഗുരുക്കള്
കോഴിക്കോട്: സിദ്ധാന്തങ്ങളോട് കൂട്ടിയിണക്കിയല്ലാതെ ചരിത്രത്തെ പഠിക്കാനാവില്ലെന്നും ഇന്ന് ചരിത്രത്തെ വിശകലനം ചെയ്യാന് സാധിക്കുന്ന ഒരേയൊരു സിദ്ധാന്തം കാറല് മാക്സിന്റെ ‘ഹിസ്റ്റോറിക്കല് മെറ്റീരിയലിസം’ ആണെും ഡോ രാജന് ഗുരുക്കള്. പൂര്വികര് എന്നയൊരു സങ്കല്പ്പത്തില് ഊന്നിമാത്രം ചരിത്രത്തെ പഠിക്കാന് സാധിക്കില്ല. സംഭവങ്ങള് രൂപപ്പെടുന്നതിന്റെ കാരണങ്ങളിലൂടെ ചരിത്രത്തെ സമീപിക്കണമെന്നും പറഞ്ഞു.
കേരള ലിറ്ററേച്ചര് ഫെസ്റ്റിവലില് ‘കേരള ചരിത്രത്തിനൊരു പരിപ്രേക്ഷകം’ എന്ന വിഷയത്തില് സംസാരിക്കുകയായിരുന്നു അദ്ദേഹം. പ്രേമന് തറവട്ടത്ത് ഗുരുക്കളെ അഭിസംബോധന ചെയ്ത സെഷനില് ചരിത്രത്തില് വൈകാരികതയ്ക്ക് യാതൊരു സ്ഥാനവും ഇല്ലെന്ന് അദ്ദേഹം അഭിപ്രായപ്പെട്ടു.