മാരകായുധങ്ങളുമായി യുവാക്കള് പിടിയില്
പേരാമ്പ്ര: മാരകായുധങ്ങളുമായി ബൈക്കിൽ സഞ്ചരിക്കുകയായിരുന്ന രണ്ട് യുവാക്കൾ പെരുവണ്ണാമൂഴി പോലീസിന്റെ പിടിയിലായി. തണ്ടോറപ്പാറ സ്വദേശികളായ ലിനീഷ് (27), ശ്രീലാൽ (25) എന്നിവരെയാണ് പട്ടാണിപ്പാറയിൽ വച്ച് പെരുവണ്ണാമൂഴി എസ്ഐ രാജനും പാർട്ടിയും ചേർന്ന് അറസ്റ്റ് ചെയ്തത്. ബിഗ് ഷോപ്പറിൽ സൂക്ഷിച്ച വടിവാളും, മൂന്ന് ഇരുമ്പ് പൈപ്പുകളും, ഒരു സ്റ്റീൽ ദണ്ഡും ബൈക്കിൽ ഒളിപ്പിച്ച നിലയിൽ കണ്ടെത്തിയെന്നും ആയുധങ്ങളും ബൈക്കും കസ്റ്റഡിയിലെടുത്തെന്നും പോലീസ് അറിയിച്ചു.