മന്ത്രി എം എം മണിക്ക് ദേഹാസ്വാസ്ഥ്യം അനുഭവപ്പെട്ടതിനെ തുടര്ന്ന് ആശുപത്രിയില് പ്രവേശിപ്പിച്ചു
ആലപ്പുഴ > യാത്രയ്ക്കിടെ ദേഹാസ്വാസ്ഥ്യം അനുഭവപ്പെട്ടതിനെതുടര്ന്ന് വൈദ്യുതി മന്ത്രി എം എം മണിയെ വണ്ടാനം മെഡിക്കല് കോളേജ് ആശുപത്രിയില് പ്രവേശിപ്പിച്ചു. തിരുവനന്തപുരത്തുനിന്ന് എറണാകുളത്തേക്കുള്ള യാത്രമദ്ധ്യേ ബുധനാഴ്ച രാത്രി 11.45ഓടെ അമ്പലപ്പുഴയില് വച്ചാണ് ദേഹാസ്വാസ്ഥ്യം അനുഭവപ്പെട്ടത്. ഉടന് വണ്ടാനം മെഡിക്കല് കോളേജ് ആശുപത്രിയില് പ്രവേശിപ്പിക്കുകയായിരുന്നു. രക്തസമ്മര്ദ്ദം കൂടിയതിനാല് കാര്ഡിയാക് ഇന്റന്സീവ് കെയര് യൂണിറ്റിലേക്ക് മാറ്റിയതായി ഡോക്ടര്മാര് അറിയിച്ചു.