ബത്തേരിയില് സ്വകാര്യ ബസും കാറും കൂട്ടിയിടിച്ച് ഒരാള് മരിച്ചു
കല്പ്പറ്റ: സുല്ത്താന് ബത്തേരി ദോട്ടപ്പന്കുളത്ത് സ്വകാര്യ ബസും കാറും കൂട്ടിയിടിച്ച് ഒരാള് മരിച്ചു. ബസ് യാത്രികനായ നെല്ലാറച്ചാല് സ്വദേശി ബിബിന് ആണ് മരിച്ചത്. ബത്തേരി മിനര്വ കോച്ചിംഗ് സെന്ററിലെ വിദ്യര്ഥിയാണ്. അപകടത്തില് നിരവധി പേര്ക്ക് ഗുരുതര പരിക്കേറ്റിട്ടുണ്ട്. ഇടിയുടെ ആഘാതത്തില് നിയന്ത്രണം വിട്ട ബസ് മറിയുകയും ചെയ്തു.
രാവിലെ 9.30 ഓടെയാണ് അപകടം. കല്പ്പറ്റയില് നിന്നും ബത്തേരിക്ക് പോകുകയായിരുന്ന സ്വകാര്യ ബസും കാറുമാണ് കൂട്ടിയിടിച്ചത്. ഗുരുതര പരിക്കേറ്റ കാര് ഡ്രൈവര് നായ്ക്കട്ടി സ്വദേശി അബൂബക്കറിനെ കോഴിക്കോട് മെഡിക്കല് കോളജ് ആശുപത്രിയില് പ്രവേശിപ്പിച്ചു. പരിക്കേറ്റ മറ്റുള്ളവരെ ബത്തേരിയിലെയും കല്പ്പറ്റയിലേയും ആശുപത്രികളില് പ്രവേശിപ്പിച്ചു. രാവിലെ ആയതിനാല് ബസില് വിദ്യാര്ഥികള് അടക്കം നിറയെ യാത്രക്കാരുണ്ടായിരുന്നു.