പാനൂരില് ബി.ജെ.പി – സി.പി.എം. സംഘര്ഷത്തില് അഞ്ചുപേര്ക്ക് വെട്ടേറ്റു
പാനൂര്: പാനൂരില് ബി. ജെ. പി – സി. പി. എം. സംഘര്ഷത്തില് അഞ്ചുപേര്ക്ക് വെട്ടേറ്റു. പാനൂരിന് സമീപം കണ്ണംവെള്ളി കല്ലുള്ളപുനത്തില് മടപ്പുര പരിസരത്തു ശനിയാഴ്ച അര്ദ്ധരാത്രി 12 മണിയോടെയാണ് സംഭവം. നാല് സിപിഎം പ്രവര്ത്തകര്ക്കും ഒരു ബിജെപി പ്രവര്ത്തകനുമാണ് വെട്ടേറ്റത്.
ബിജെപി പ്രവര്ത്തകനായ കണ്ണംവെള്ളിയിലെ മുത്തേടത്ത് താഴെകുനിയില് റോജി (19) നും സിപിഎം പ്രവര്ത്തകരായ കണ്ണംവെള്ളിയിലെ റിജില്, ശ്രീരാഗ്, വിബിന്, ഷൈന് എന്നിവര്ക്കുമാണ് വെട്ടേറ്റത്. പരിക്കേറ്റ ബിജെപി പ്രവര്ത്തകനെ തലശേരി ഇന്ദിരാഗാന്ധി സഹകരണാശുപത്രിയിലും സിപിഎം പ്രവര്ത്തകരെ തലശേരി സഹകരണ ആശുപത്രിയിലും പ്രവേശിപ്പിച്ചു.
മടപ്പുരയില് ഉത്സവത്തിനെത്തിയതായിരുന്നു ഇവര്. അക്രമ വിവരമറിഞ്ഞ് ചൊക്ലി പോലീസ് സ്ഥലത്തെത്തി. സംഘര്ഷം കണക്കിലെടുത്ത് കണ്ണംവെള്ളി പ്രദേശത്ത് പോലീസ് ക്യാമ്പ് ചെയ്യുകയാണ്. ഏതാനും ദിവസങ്ങളായി തുടര്ച്ചയായി പാനൂര് മേഖലയില് സിപിഎം-ബിജെപി സംഘര്ഷം അരങ്ങേറിയിരുന്നു. ഇതിന്റെ തുടര്ച്ചയാണ് അര്ധരാത്രി നടന്ന അക്രമം.