താമരശേരിക്കടുത്ത് കയ്യേലിക്കലില് വീടിനുനേരെ സ്ഫോടക വസ്തു എറിഞ്ഞു
താമരശേരി: താമരശേരിക്കടുത്ത് കയ്യേലിക്കലില് വീടിനുനേരെ സ്ഫോടക വസ്തു എറിഞ്ഞു. കയ്യേലിക്കല് അശോകന്റെ വീടിനു നേരെയാണ് ബുധനാഴ്ച പുലര്ച്ചെ രണ്ട് മണിയോടെ സ്ഫോടക വസ്തു എറിഞ്ഞത്. സ്ഫോടനത്തില് വീടിന്റെ മുന്ഭാഗത്തെ വാതിലിന്റെ അടിഭാഗവും ഷോക്കേസുകളുടെ ചില്ലുകളും തകര്ന്നു.
കഴിഞ്ഞ മാസം കയ്യേലിക്കലില് സി.പി.എം പ്രവര്ത്തകന്റെ പെട്ടിക്കട കത്തിച്ചതിന്റെ തൊട്ടടുത്തുള്ള വീട്ടിലാണ് സ്ഫോടക വസ്തു എറിഞ്ഞത്. വടകരയില് നിന്ന് ബോംബ് സ്ക്വാഡ് സ്ഥലത്തെത്തി തെളിവുകള് ശേഖരിച്ചു. താമരശേരി പൊലീസ് കേസ്സെടുത്ത് അന്വേഷണം നടത്തിവരുന്നു. പൊലീസ് സംഭവ സ്ഥലത്ത് ക്യാമ്പ് ചെയ്യുന്നുണ്ട്.