ഡബ്ല്യു.ടി.ഒ ദേശീയ സമിതി യോഗം ചേര്ന്നു
മനാമ: ലോക വ്യാപാര സംഘടന (ഡബ്ല്യു.ടി.ഒ) ദേശീയ സമിതിയുടെ എട്ടാമത് യോഗം വ്യവസായ, വാണിജ്യ, ടൂറിസം മന്ത്രി സായിദ് ബിന് റാഷിദ് അസ്സയാനിയുടെ അധ്യക്ഷതയില് ചേര്ന്നു. വിവിധ സര്ക്കാര് വകുപ്പുകളുടെ പ്രതിനിധികള് പെങ്കടുത്തു. വ്യാപാരം പ്രോത്സാഹിപ്പിക്കുന്നതിനുള്ള മാര്ഗങ്ങളും ഇതിനായി ഒക്ടോബറില് നടത്തിയ ശില്പശാലയും വിലയിരുത്തി.
വിദേശ നിക്ഷേപത്തിന് അനുകൂലമായ അന്തരീക്ഷമാണ് രാജ്യത്ത് നിലനില്ക്കുന്നതെന്ന് പ്രതിനിധികള് അഭിപ്രായപ്പെട്ടു. ഇത് വ്യാപാര മേഖലക്ക് കരുത്ത് നല്കുന്നുണ്ട്. വ്യാപാര പ്രോത്സാഹന കരാര് നടപ്പാക്കുന്നതിന്സാങ്കേതിക സമിതി രൂപവത്കരിക്കുന്ന കാര്യം ചര്ച്ചയായി. ഇൗ മാസംനടക്കുന്ന ലോക വ്യാപാര സംഘടന യോഗത്തില് സ്വീകരിക്കേണ്ട നയങ്ങള് സംബന്ധിച്ചും ചര്ച്ച നടന്നു.