ജയില് ജീവനക്കാരുടെ ക്വാട്ടേഴ്സില് മോഷണ ശ്രമം: ഷട്ടര് കണ്ണൻ അറസ്റ്റിൽ
കോഴിക്കോട്: കവര്ച്ച ശ്രമത്തിനിടെ കുപ്രസിദ്ധ മോഷ്ടാവ് അറസ്റ്റില്. സുല്ത്താന് ബത്തേരി ചീരാല് സ്വദേശി വരിക്കോളി കോളനിയിലെ കണ്ണന് എന്ന ഷട്ടര് കണ്ണനെയാണ് (42) കസബ പൊലീസ് പിടികൂടിയത്. പുതിയറയിലെ ജയില് ജീവനക്കാരുടെ ക്വാര്ട്ടേഴ്സില് മോഷണത്തിന് ശ്രമിക്കവെയാണ് കണ്ണന് പിടിയിലായത്.
സ്ഥിരമായി കടകളുടെ ഷട്ടര്പൊളിച്ച് കണ്ണന് മോഷണം നടത്തുന്നതിനാലാണ് ഷട്ടര് കണ്ണന് എന്നറിയപ്പെടുന്നതെന്ന് പൊലീസ് പറഞ്ഞു. കോഴിക്കോട് നഗരത്തിലുള്പ്പെടെ നിരവധി കേസുകളില് ഇയാള് പ്രതിയാണ്. കോടതി പ്രതിയെ റിമാന്ഡ് ചെയ്തു.