കെ.എസ്.ആര്‍.ടി.സി മാനേജിംഗ് ഡയറക്ടറായി ബിജു പ്രഭാകറിനെ നിയമിച്ചു
തിരുവനന്തപുരം: കെ.എസ്.ആര്‍.ടി.സി മാനേജിംങ് ഡയറക്ടറായി ബിജു പ്രഭാകര്‍ ഐ.എ.എസിനെ നിയമിച്ചു. ബുധനാഴ്ച ചേര്‍ന്ന മന്ത്രിസഭാ യോഗത്തിലാണ് തീരുമാനം. സ്ഥാനമൊഴിയുന്ന കെ.എസ്.ആര്‍.ടി.സി എം.ഡി എം.പി. ദിനേശിന് പകരമായാണ് ബിജു പ്രഭാകറിനെ നിയമിക്കുന്നത്. എം. രാജമാണിക്യത്തിനു ശേഷം കെ.എസ്.ആര്‍.ടി.സി.യുടെ തലപ്പത്തെത്തുന്ന ഐഎഎസ് ഉദ്യോഗസ്ഥനാണ് ബിജു പ്രഭാകര്‍.
നിലവില്‍ സാമൂഹിക നീതി വകുപ്പ് സെക്രട്ടറിയായ ബിജു പ്രഭാകറിന് കെഎസ്‌ആര്‍ടിസിയുടെ അധിക ചുമതലയാണ് നല്‍കിയിരിക്കുന്നത്. ഗതാഗത സെക്രട്ടറി കെ.ആര്‍. ജ്യോതിലാലിനെ കെഎസ്‌ആര്‍ടിസി ചെയര്‍മാനായി നിയമിച്ചു.
