കിഴക്കഞ്ചേരിയിൽ രണ്ടു സിഐടിയു പ്രവർത്തകർക്ക് വെട്ടേറ്റു
പാലക്കാട്: കിഴക്കഞ്ചേരിയിൽ രണ്ടു സിഐടിയു പ്രവർത്തകർക്ക് വെട്ടേറ്റു. കിഴക്കഞ്ചേരി സ്വദേശികളായ വാസു, സുദേവൻ എന്നിവർക്കാണ് വെട്ടേറ്റത്. ഇവരെ തൃശൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. ആർഎസ്എസ് പ്രവർത്തകരാണ് ആക്രമണത്തിന് പിന്നിലെന്ന് പ്രാദേശിക സിപിഎം നേതൃത്വം ആരോപിച്ചു. സംഭവത്തിൽ പോലീസ് അന്വേഷണം തുടങ്ങി.
അക്രമികളെ എത്രയുംവേഗം പിടികൂടുമെന്ന് സ്പെഷൽ ബ്രാഞ്ച് ഡിവൈഎസ്പി സുനിൽകുമാർ പറഞ്ഞു. ഇതേതുടർന്ന് കുണ്ടുകാട് പ്രദേശത്ത് പോലീസ് കാവൽ ഏർപ്പെടുത്തി. കഴിഞ്ഞ രാത്രിയിലും ഇവിടെ അക്രമസംഭവങ്ങൾ ഉണ്ടായെന്നാണ് റിപ്പോർട്ട്. ആക്രമണത്തിന് പിന്നിൽ ആർഎസ്എസ് പ്രവർത്തകരാണെന്ന് സിപിഎം ആരോപിച്ചു.