ആര്‍.എം.പി പ്രവര്‍ത്തകന്‍റെ വീടിനുനേരെ ആക്രമണം
കോഴിക്കോട്: ചോറോട് ആര്‍.എം.പി പ്രവര്‍ത്തകന്‍ വി.സി പ്രകാശന്‍റെ വീടിന് നേരെ ആക്രമണം ഉണ്ടായി. വീടിന്‍റെ ജനല്‍ ചില്ലുകള്‍ തകര്‍ന്നു. വീട്ട് മുറ്റത്ത് നിര്‍ത്തിയിട്ടിരുന്ന ഓട്ടോറിക്ഷയും അടിച്ച്‌ തകര്‍ത്തു. പുലര്‍ച്ചെ ഒരുമണിയോടെയായിരുന്നു സംഭവം.
കഴിഞ്ഞ ദിവസങ്ങളില്‍ സിപിഎം-ആര്‍.എം.പി സംഘര്‍ഷം ഉണ്ടായ ഏറാമല പഞ്ചായത്തിന് സമീപമാണ് ചോറോട്. പ്രകാശന്‍ വടകര പൊലീസില്‍ പരാതി നല്‍കി. സംഭവത്തിന് പിന്നില്‍ സിപിഎം പ്രവര്‍ത്തകരാണെന്ന് പ്രകാശന്‍ ആരോപിച്ചു. വടകര പൊലീസ് അന്വേഷണം തുടങ്ങി.
