ചൊവ്വയില് വെള്ളമുണ്ട്; തെളിവിതാ
ചൊവ്വയില് വെള്ളമുണ്ട് എന്നതിന് വ്യക്തമായ സൂചനകള് നല്കി യൂറോപ്യന് ബഹിരാകാശ ഏജന്സി. ചൊവ്വയുടെ ഉപരിതലത്തില് മഞ്ഞില് മൂടിപ്പുതച്ച് കിടക്കുന്ന വന് കുഴിയുടെ ചിത്രം യൂറോപ്യന് ബഹിരാകാശ ഏജന്സി പുറത്തുവിട്ടു. യൂറോപ്യന് ബഹിരാകാശ ഏജന്സിയുടെ മാര്സ് എക്സ്പ്രസ് ഓര്ബിറ്റര് പകര്ത്തിയ ചിത്രമാണ് ഇപ്പോള് പുറത്തുവിട്ടിരിക്കുന്നത്.
ചൊവ്വയുടെ ഉത്തര ധ്രുവത്തില് 82 കിലോമീറ്റര് വ്യാപ്തിയുള്ള കോറോലെവ് ഗര്ത്തത്തിലാണ് മഞ്ഞു കണ്ടെത്തിയിരിക്കുന്നത്. മഞ്ഞു നിറഞ്ഞുകിടക്കുന്ന വലിയ തടാകം പോലെയും തോന്നിക്കുന്നതാണ് ചിത്രം.