ഗൂഗിൾ മാപ്പിലെ നിറങ്ങളൊന്നും വെറുതെയല്ല; ഇവയ്ക്ക് പിന്നിലും ചില രഹസ്യങ്ങളുണ്ട്
.
എവിടെയെങ്കിലും യാത്ര പോകണമെങ്കിൽ വഴി കാണിക്കാൻ ഗൂഗിൾ മാപ്പിനെ ആശ്രയിക്കുന്നവരുടെ എണ്ണം വളരെ വലുതാണ്. വഴി കാണിക്കാൻ വേണ്ടി മാത്രമല്ല, ഗൂഗിൾ മാപ്പിന് വേറെയും പല ഗുണങ്ങളുണ്ടെന്ന് പലർക്കും അറിയില്ലെന്നാണ് മറ്റൊരു വസ്തുത. അത് മാത്രമല്ല, ഗൂഗിൾ മാപ്പിൽ അടയാളപ്പെടുത്തിയിരിക്കുന്ന കളറുകൾക്ക് പിന്നിലുമുണ്ട് ചില രഹസ്യങ്ങൾ. പച്ച. ചുവപ്പ്, മഞ്ഞ, പർപ്പിൾ, തവിട്ട് എന്നിങ്ങനെ പല നിറങ്ങൾ ഗൂഗിൾ മാപ്പിൽ കാണാൻ സാധിക്കും.
ഈ കളറുകളെല്ലാം ഭംഗിയ്ക്ക് നൽകിയിരിക്കുന്ന ഡിസെനുകൾ മാത്രമല്ല ഇവ സൂചിപ്പിക്കുന്നത് എന്താണെന്ന് നോക്കിയാലോ ? ഗൂഗിൾ മാപ്പിൽ നിങ്ങളുടെ വഴിയിൽ പച്ചനിറമാണ് കാണുന്നതെങ്കിൽ ഗതാഗതകുരുക്ക് ഇല്ലെന്നാണ് ഇത് കാണിക്കുന്നത്. ഇനി യെല്ലോ അല്ലെങ്കിൽ ഓറഞ്ച് നിറമാണങ്കിൽ നേരിയ തോതിൽ ഗതാഗതകുരുക്ക് ഉണ്ടെന്നാണ് ഇത് അർത്ഥമാക്കുന്നത്.
റെഡ് ലൈൻ ഒരു മുന്നറിയിപ്പാണ്. റൂട്ടിൽ വലിയ ഗതാഗത കുരുക്കുണ്ടെന്നാണ് ചുവപ്പ് വരകൾ അർത്ഥമാക്കുന്നത്. ഈ ചുവപ്പ് വര കട്ടിയുള്ളതാണെങ്കിൽ അതിന്റെ അർത്ഥം രൂക്ഷമായ ഗതാഗതകുരുക്ക് ഉണ്ടെന്നാണ്. അത്യാവശ്യ യാത്രയാണെങ്കിൽ മറ്റൊരു റൂട്ട് തെരഞ്ഞെടുക്കാൻ ഈ സൂചന സഹായകമാവും.
നിങ്ങൾ യാത്ര തുടങ്ങുമ്പോൾ വഴികാട്ടിയാവുന്ന ലൈനുകളാണിവ. ചില സമയങ്ങളിൽ മാത്രം ഗൂഗിൾ മാപ്പിൽ പൾപ്പിൾ നിറം കാണാം. ഗതാഗത കുരുക്കുള്ള സമയത്ത് മറ്റൊരു വഴി സജസ്റ്റ് ചെയ്യുകയാണ് ഈ പർപ്പിൾ ലൈൻ ചെയ്യുന്നത്. മാപ്പിലെ ബ്രൗൺ നിറം യാത്ര ചെയ്യുന്ന വഴികളിൽ കുന്നുകളോ മറ്റോ ഉണ്ടോയെന്ന് കാണിച്ച് തരുന്നു.
