സ്കൂൾ വാഹനങ്ങളിൽ അപകടകരമായി ബാനറുകൾ കെട്ടുന്നതിനെതിരെ മുന്നറിയിപ്പുമായി എംവിഡി

സ്കൂൾ വാഹനങ്ങളിൽ അപകടകരമായി ബാനറുകൾ കെട്ടുന്നതിനെതിരെ മുന്നറിയിപ്പുമായി എംവിഡി. കുട്ടികൾ സുരക്ഷിതമായി പോകേണ്ട ഇത്തരം വാഹനങ്ങളിൽ ബ്രേക്ക്‌ ലൈറ്റ്, ഇൻഡിക്കേറ്റർ ലൈറ്റ്, എമർജൻസി ഹെൽപ്പ്ലൈൻ നമ്പറുകൾ, രജിസ്ട്രേഷൻ മാർക്ക്‌, വിൻഡ് സ്ക്രീൻ ഗ്ലാസുകൾ മുതലായവ മറച്ചു സർവീസ് നടത്തുന്നത് സുരക്ഷിതമല്ലെന്ന് എംവിഡി പങ്കുവെച്ച സോഷ്യൽമീഡിയ പോസ്റ്റിൽ പറഞ്ഞു. ബാനറുകൾ അപകടകരമായി വലിച്ചു കെട്ടുന്നതും, കാഴ്ച്ച മറയുന്ന തരത്തിൽ പരസ്യ സ്റ്റിക്കറുകൾ പതിക്കുന്നതും മറ്റും കുറ്റകരം അല്ലെ? അഭിപ്രായങ്ങൾ അറിയിക്കാനും പോസ്റ്റിൽ വ്യക്തമാക്കി.