അഴിയൂരിലെ ലഹരിമാഫിയ, ബാലാവകാശ കമ്മിഷൻ തെളിവെടുത്തു.
അഴിയൂരിലെ ലഹരിമാഫിയക്കെതിരെ ബാലാവകാശ കമ്മിഷൻ തെളിവെടുത്തു. വടകര: എട്ടാം ക്ലാസ് വിദ്യാര്ഥിനിയെ ലഹരി മരുന്നിന് അടിമയാക്കി ലഹരി കടത്തിന് ഉപയോഗിച്ചെന്ന പരാതി അന്വേഷിക്കാനെത്തിയ ബാലവാകാശ കമ്മീഷന് പെണ്കുട്ടിയെ കാണാതെ മടങ്ങി. സ്കൂളില് സിറ്റിംഗ് നടത്തി അന്വേഷണ ഉദ്യോഗസ്ഥരുടെ അഭിപ്രായം തേടിയ കമ്മീഷന് പൊലീസിന് പൂര്ണ പിന്തുണയും പ്രഖ്യാപിച്ചു. പെണ്കുട്ടിയില് നിന്ന് പിന്നീട് വിവരങ്ങള് തേടുമെന്നാണ് കമ്മീഷന്റെ വിശദീകരണം.
പെണ്കുട്ടിയുടെ വെളിപ്പെടുത്തല് വന്ന് രണ്ടാഴ്ചയ്ക്ക് ശേഷം സംസ്ഥാന ബാലവകാശ കമ്മീഷന് ചെയര്മാന് മനോജ് കുമാര് അഴിയൂരിലെത്തിയത്. കുട്ടിയെയോ കുട്ടിയുടെ വീട്ടുകാരെയോ കാണാതെ നേരെ സ്കൂളിലെത്തിയ കമ്മീഷന് സ്കൂള് അധികൃതരില് നിന്നും പൊലീസ് എക്സൈസ് ഉദ്യോഗസ്ഥരില് നിന്നും വിവരങ്ങള് തേടി മടങ്ങുകയായിരുന്നു.