ബി സോൺ കലോത്സവം ‘റോസ ബിയങ്ക’യിൽ 246 പോയിന്റുമായി ദേവ​ഗിരി സെന്റ് ജോസഫ്സ് കോളേജ്

കോഴിക്കോട്: ബി സോൺ കലോത്സവം ‘റോസ ബിയങ്ക’യിൽ 246 പോയിന്റുമായി ദേവ​ഗിരി സെന്റ് ജോസഫ്സ് കോളേജ് ടീം. 2018ലും 19ലും ദേവ​ഗിരിക്കായിരുന്നു കിരീടം. 146 പോയിന്റ് നേടിയ ഫാറൂഖ് കോളേജിനാണ് രണ്ടാം സ്ഥാനം. 83 പോയിന്റുമായി പ്രൊവിഡന്‍സ് വിമന്‍സ് കോളേജ് മൂന്നാമതായി. 52 പോയിന്റുമായി ആതിഥേയരായ ആര്‍ട്സ് ആന്‍ഡ് സയന്‍സ് കോളേജ് നാലാമതും 50 പോയിന്റുമായി സാമൂതിരി ​ഗുരുവായൂരപ്പന്‍ കോളേജ്  അഞ്ചാമതുമാണ്.

അഞ്ച് ദിവസങ്ങളായി നടന്ന മേളയിൽ ​സാഹിത്യോത്സവം, നൃത്തോത്സവം, സം​ഗീതോത്സവം, ചിത്രോത്സവം, ഓഫ് സ്റ്റേജ് ഇനങ്ങളില്‍ ദേവ​ഗിരി തുടക്കത്തിലേ മേധാവിത്വം പുലര്‍ത്തി. ഗാനമേള, നാടോടി സം​ഗീതം, സ്കിറ്റ് തുടങ്ങിയ ​ഗ്രൂപ്പ് ഇനങ്ങളിലും തുള്ളല്‍, ഭരതനാട്യം, മോഹിനിയാട്ടം തുടങ്ങി ഇരുപതോളം ​വ്യക്തി​ഗത ഇനങ്ങളിലും ​ദേവ​ഗിരി ഒന്നാം സ്ഥാനം നേടി.