മാവൂർറോഡിൽ ബസ് ജീവനക്കാരും ബൈക്ക് യാത്രികരും സംഘർഷം
കോഴിക്കോട്: മാവൂർറോഡിൽ ബസ് ജീവനക്കാരും ബൈക്ക് യാത്രികരും സംഘർഷം. ബസ് ദേഹത്ത് ഇടിക്കാൻ വന്നതിനെച്ചൊല്ലിയാണ് തർക്കം. ഇതിനിടെ ബസ്സിന്റെ ചില്ല് തകർന്നു. തിങ്കൾ രാത്രി 7.30 ഓടെ മാവൂർറോഡിലാണ് സംഭവം. സിഗ്നൽ കാത്തിരിക്കുന്ന ബൈക്ക് യാത്രികർക്കുനേരെ ട്രാക്ക് തെറ്റിച്ചെത്തിയ കുറ്റ്യാടി റൂട്ടിലെ അജ്വ ബസ് ഇടിക്കാൻ ശ്രമിച്ചതാണ് തർക്കത്തിന് കാരണമെന്ന് നാട്ടുകാർ പറഞ്ഞു. വേങ്ങേരി സ്വദേശികളാണ് യുവാക്കൾ. ഇതിലൊരാളുടെ അച്ഛൻ നഗരത്തിലെ സ്വകാര്യ ആശുപത്രിയിൽ ചികിത്സയിലാണ്. അങ്ങോട്ട് പോകുംവഴിയാണ് സംഭവം. യുവാക്കൾ ബീച്ച് ആശുപത്രിയിൽ ചികിത്സ തേടി.