സാംസ്കാരിക സദസ്സ് ഉദ്ഘാടനം ചെയ്തു
കൊയിലാണ്ടി: മേലൂർ കെ.എം.എസ് ലൈബ്രറിയുടെ സുവർണ്ണ ജൂബിലി സമാപനത്തിന്റെ ഭാഗമായി സാംസ്കാരിക സദസ്സ് സാഹിത്യകാരൻ യു.എ. ഖാദർ ഉദ്ഘാടനം ചെയ്തു. മനുഷ്യരെ പ്രത്യേകം കള്ളികളിലാക്കി വേർതിരിക്കുന്നവരെ തിരിച്ചറിയുന്നവരായി സമൂഹം മാറണമെന്ന് അദ്ദേഹം പറഞ്ഞു. മനുഷ്യരെ ഒന്നായി കാണാനുള്ള മനസ്സ് ഇവിടുത്തെ പുസ്തകങ്ങളിൽ നിന്നും വായനയിൽ നിന്ന് ഉയർന്നു വന്നതാണെന്നും അദ്ദേഹം കൂട്ടി ചേർത്തു.
സൗവർണ്ണം സമാപനം സംസ്ഥാന തൊഴിൽ എക്സൈസ് വകുപ്പു മന്ത്രി ടി.പി.രാമകൃഷ്ണൻ ഉദ്ഘാടനം ചെയ്തു. യു. എ.ഖാദറെ ഉപഹാരം നൽകി മന്ത്രി ആദരിച്ചു. ജാതിയും മതവും വേർതിരിക്കാതെ മനുഷ്യർ എന്ന ഒറ്റ മനസ്സാണ് യു.എ.ഖാദറിന്റെ രചനകളിലുളളതെന്ന് മന്ത്രി പറഞ്ഞു. കെ.എ. ബിജുലാൽ അധ്യക്ഷനായി. ലൈബ്രറി കൗൺസിൽ സംസ്ഥാന പ്രസിസണ്ട് ഡോ. കെ.വി കുഞ്ഞികൃഷ്ണൻ മുഖ്യാതിഥിയായി. വർണ്ണം ജില്ലാതല ചിത്ര രചനാ മത്സരത്തിൽ തെരഞ്ഞെടുക്കപ്പെട്ട മേപ്പയ്യൂർ വി.എച്ച്.എസ്സിലെ ആദിഷ് ദിനേഷിന് മന്ത്രിയും യു.എ.ഖാദറും ചേർന്ന് സ്വർണ്ണ മെഡലും, ആർട്ടിസ്റ്റ് നാരായണൻ നായർ ട്രോഫിയും നൽകി.
മികച്ച വിജയിയുടെ സ്ഥാപനത്തിന് എ. ബാലൻ അളിയമ്പുറത്ത് ട്രോഫിയും കൈമാറി. മുഴുവൽ വിജയികൾക്കും ജില്ലാ ലൈബ്രറി കൗൺസിൽ പ്രസിഡണ്ട് എൻ.ശങ്കരൻ മാസ്റ്റർ ഗ്രോഫികൾ നൽകി. പി. വിശ്വൻ, കെ.ദാമോദരൻ, യു.കെ. രാഘവൻ, പി. പ്രശാന്ത്, തുടങ്ങിയവർ സംസാരിച്ചു.
കെ.കെ.ദിലേഷ് സ്വാഗതവും കെ.സദാനന്ദൻ നന്ദിയും പറഞ്ഞു. തുടർന്ന് കലാവിരുന്ന് അരങ്ങേറി. എം. നാരായണൻ സംവിധാനം ചെയ്ത സീനിയർ സിറ്റീസൺ വനിതാ വിഭാഗത്തിന്റെ സ്നേഹ ഭാരം നാടകവും അരങ്ങേറി.
