റോഡ് നിർമ്മാണത്തിലെ അഴിമതി ബി.ജെ.പി. ധർണ്ണ നടത്തി

കൊയിലാണ്ടി: റോഡ് നിർമ്മാണത്തിൽ അഴിമതി ആരോപിച്ച് ബി.ജെ.പി പ്രവർത്തകർ ധർണ്ണ നടത്തി. രണ്ട് മാസം മുമ്പ് രണ്ട് കോടി രുപ ചിലവഴിച്ച് നിർമ്മിച്ച ചെങ്ങോട്ടുകാവ് – ചേലിയ റോഡാണ്  തകർന്നത്. റോഡ് നിർമ്മാണത്തിനായി മാസങ്ങളോളം ജനങ്ങൾ ബുദ്ധിമുട്ടനുഭവിച്ചിരുന്നു.

കെ.ദാസൻ എം.എൽ.എയുടെ ആസ്തിതി വികസന ഫണ്ടിൽ നിന്നും രണ്ട് കോടി രൂപ ചിലവഴിച്ചാണ് റോഡ്‌ നിർമ്മിച്ചത്. റോഡ് നിർമ്മാണത്തിൽ പ്രത്യക്ഷത്തിലുള്ള അഴിമതിയും, നിർമ്മാണത്തിലെ അപാകവുമാണ് റോഡ് തകർച്ചക്ക് കാരണമെന്ന് ബി.ജെ.പി ആരോപിച്ചു. വെള്ളിയാം തോട്ടിൽ ഉണ്ണികൃഷ്ണൻ അദ്ധ്യക്ഷത വഹിച്ചു.

ധർണ്ണ മണ്ഡലം പ്രസിഡണ്ട് വി.സത്യൻ ഉൽഘാടനം ചെയ്തു വി.കെ.ഉണ്ണികൃഷ്ണൻ, വി.കെ.മുകുന്ദൻ, ദിലീഷ്, ഗിരീഷ്, പഞ്ചായത്ത് മെബർമാരായ പ്രിയ ഒരുവമ്മൽ, സുധ, സുജല, ജയ്തു കിഷ്‌, ജയരാജൻ തുടങ്ങിയവർ സംസാരിച്ചു.

Advertisements