വയോധികക്ക് മരുമകളുടെ ക്രൂര മര്‍ദ്ദനം
പാലക്കാട്: പുതുപ്പരിയാരത്ത് വയോധികക്ക് മരുമകളുടെ ക്രൂര മര്‍ദ്ദനം. പറഞ്ഞത് അനുസരിക്കാത്തതിനാണ് മര്‍ദ്ദിച്ചതെന്നാണ് മരുമകള്‍ ശ്രീമതിയുടെ വാദം. 80 വയസ്സിനു മേല്‍ പ്രായമുള്ള സരോജിനിയുടെ മുഖത്തും ശരീരത്തിലും മകന്‍റെ ഭാര്യ ശ്രീമതി ചെരുപ്പുകൊണ്ട് പല തവണ അടിക്കുന്നതിന്‍റെ ദൃശ്യങ്ങളാണ് പുറത്ത് വന്നത്.
സരോജിനിയുടെ പേരിലുണ്ടായിരുന്ന വീടും സ്ഥലവും മകന്‍ ഭാസ്കരന്‍റെ പേരിലേക്ക് മാറ്റിയ ശേഷമാണ് ഈ ക്രൂരത. രണ്ട് മക്കളാണ് സരോജിനിക്ക്. അടി കിട്ടാറുണ്ടെന്നും ഭക്ഷണം നല്‍കാറില്ലെന്നും അമ്മ പറയാറുണ്ടെന്നും വാടക വീട്ടില്‍ തനിച്ച്‌ താമസിക്കുന്ന തനിക്ക് അമ്മയെക്കൂടി നോക്കാനാവില്ലെന്നുമാണ് സരോജിനിയുടെ മകള്‍ പ്രേമയുടെ വാദം.
സരോജിനി നിരന്തരം മര്‍ദ്ദനമേല്‍ക്കുന്നുണ്ടെന്ന് അയല്‍വാസികളും പറയുന്നു. ഏതാനും മാസം മുന്‍പ് സമാനമായ സംഭവം കണ്ണൂരില്‍ നിന്നും റിപ്പോര്‍ട്ട് ചെയ്തിരുന്നു.
