കടപ്പയില്‍ പേമാരിയിലും കൊടുങ്കാറ്റിലും നാലുപേര്‍ മരിച്ചു
അമരാവതി: ആന്ധ്രാപ്രദേശിലെ കടപ്പയില്‍ പേമാരിയിലും കൊടുങ്കാറ്റിലും നാലുപേര്‍ മരിച്ചു. പ്രസിദ്ധമായ കോദണ്ഡരാമ ക്ഷേത്രത്തില്‍ രാമനവമി ആഘോഷങ്ങള്‍ക്കെത്തിയവരാണ് മരിച്ചത്.
മിന്നലേറ്റും ആഘോഷങ്ങള്‍ക്കായി തയ്യാറാക്കിയ പന്തല്‍ തകര്‍ന്നുവീണുമാണ് മരണം. അന്‍പതോളം പേര്‍ക്ക് പരിക്കേറ്റു. കൊടുങ്കാറ്റില്‍ നിരവധി മരങ്ങളും വൈദ്യുതി തൂണുകളും കടപുഴകി.
മുഖ്യമന്ത്രി ചന്ദ്രബാബു നായിഡുവും ക്ഷേത്രത്തിലെ രാമനവമി ആഘോഷങ്ങളില്‍ പങ്കെടുത്തിരുന്നു. മറ്റ് സംസ്ഥാനങ്ങളില്‍ നിന്നുളള വിശ്വാസികളും ഈ സമയം സ്ഥലത്തുണ്ടായിരുന്നു.
Advertisements
