നിതിന് രാജിന്റെ മരണം; ഏപ്രില് 28ന് സംസ്ഥാന ഹര്ത്താല് പ്രഖ്യാപിച്ച് ആക്ഷന് കൗണ്സില്
.
ബിഡിഎസ് വിദ്യാര്ത്ഥി നിതിന് രാജിന്റെ മരണത്തിന് ഉത്തരവാദികളായ പ്രതികളെ അറസ്റ്റ് ചെയ്യുന്നില്ലെന്ന് ആരോപിച്ച് ഏപ്രില് 28ന് സംസ്ഥാന ഹര്ത്താല് പ്രഖ്യാപിച്ച് ആക്ഷന് കൗണ്സില്. ലോണ് ആപ്പിന്റെ മറവില് കേസ് അട്ടിമറിക്കാന് ശ്രമിക്കുന്നു എന്നും ആരോപണമുണ്ട്. നിരവധി ജാതി അധിക്ഷേപ പരാതികള് വിദ്യാര്ത്ഥികളുടെ ഭാഗത്ത് നിന്ന് വന്നിട്ടും പ്രതികള് കുറ്റക്കാരല്ലെന്നുമുള്ള കണ്ണൂര് ഡെന്റല് കോളേജ് മാനേജ്മെന്റിന്റെ നിരുത്തരവാദപരമായ നിലപാടിനെതിരെ കൂടിയാണ് ഹര്ത്താല് നടത്തുന്നതെന്നും ആക്ഷന് കൗണ്സില് പറഞ്ഞു.
മരണത്തിന് ഉത്തരവാദികളായ മുഴുവന് പ്രതികളെയും ഉടന് അറസ്റ്റ് ചെയ്യുക, പ്രതികളെ സര്വീസില് നിന്ന് പിരിച്ചുവിടുക, കുറ്റക്കാരനായ പ്രിന്സിപ്പല് ഡോ. വിനോദ് മോനിയെ പ്രതി ചേര്ക്കുക എന്നീ ആവശ്യങ്ങളാണ് ആക്ഷന് കൗണ്സില് ഉന്നയിക്കുന്നത്.
Advertisements
