പെൻഷനേഴ്സ് യൂണിയനിൽ പ്രവേശനോത്സവം
കൊയിലാണ്ടി: കേരള സ്റ്റേറ്റ് സർവ്വീസ് പെൻഷനേഴ്സ് യൂണിയൻ പന്തലായനി നോർത്ത് യൂണിറ്റ് കൺവെൻഷൻ പുതിയ അംഗങ്ങളെ ഊഷ്മളമായി വരവേറ്റു. ബ്ലോക്ക് പഞ്ചായത്ത് ഓഡിറ്റോറിയത്തിൽ നടന്ന കൺവെൻഷൻ പി. സുധാകരൻ ഉദ്ഘാടനം ചെയ്തു. വി.എം. രാഘവൻ അധ്യക്ഷത വഹിച്ചു.
സംസ്ഥാന കൗൺസിൽ അംഗം ശ്രീധരൻ അമ്പാടി പുതിയ അംഗങ്ങളെ സ്വീകരിക്കുകയും മുതിർന്ന അംഗങ്ങളെ ആദരിക്കുകയും ചെയ്തു. ബ്ലോക്ക് പ്രസിഡണ്ട് പി.വി. രാജൻ കൈത്താങ്ങ് വിതരണവും സെക്രട്ടറി എം.എം. ചന്ദ്രൻ ഉന്നത വിജയികളെ പുരസ്കാരങ്ങൾ സമർപ്പിച്ച് അനുമോദിക്കുകയും ചെയ്തു. ടി.എം. സുധാകരൻ, പി. മുരളീധരൻ, പി. ഷംസുദ്ദീൻ, ഇ.വി. പൊന്നമ്മ എന്നിവർ സംസാരിച്ചു.
