മനയടത്ത് പറമ്പിൽ ശ്രീ അന്നപൂർണേശ്വരി ക്ഷേത്ര മഹോത്സവത്തിന് കൊടിയേറി
കൊയിലാണ്ടി: മനയടത്ത് പറമ്പിൽ ശ്രീ അന്നപൂർണേശ്വരി ക്ഷേത്ര മഹോത്സവത്തിന് കൊടിയേറി. ഫെബ്രുവരി 25 -ാം തീയതി ചൊവ്വാഴ്ച രാവിലെ 6 30നും 7 45 നും ഇടയിൽ തന്ത്രി രത്നം ബ്രഹ്മശ്രീ ഹരിഗോവിന്ദിൽ നിന്നും മേൽശാന്തി നാരായണമംഗലം ഇല്ലം ഹരിനാരായണൻ നമ്പൂതിരിയുടെയും മുഖ്യ കാർമികത്വത്തിലാണ് കൊടിയേറിയത്. അന്നദാനവും വൈകുന്നേരം ദീപാരാധനക്കു ശേഷം തിരുവാതിരക്കളി കൈകൊട്ടിക്കളി എന്നിവയും ചെണ്ടമേളം കുറുകുഴൽ എന്നിവ അഭ്യസിച്ച കുട്ടികളുടെ അരങ്ങേറ്റം എന്നിവ നടക്കും.
ഫെബ്രുവരി 26 തീയതി പതിവുപോലെയുള്ള ക്ഷേത്ര ചടങ്ങുകളോടൊപ്പം നവകം പഞ്ചകവ്യം കലശം എന്നിവയും വൈകുന്നേരം 4:00 മണിക്ക് താളമേളങ്ങളുടെയും താലപ്പൊലിയുടെയും അകമ്പടിയോടുകൂടി കഴകം വരവ് ക്ഷേത്രത്തിൽ എത്തിച്ചേരും. തുടർന്ന് ശ്രീബലി എഴുന്നള്ളിപ്പ് പ്രാദേശിക കലാകാരന്മാരുടെ കലാപരിപാടികളും നടക്കുന്നതാണ്. ഫെബ്രവരി 27-ാം തീയതി പതിവ് ക്ഷേത്ര ചടങ്ങുകൾക്കൊപ്പം കലശം എന്നീ ചടങ്ങുകളും നടക്കുന്നു. കൂടാതെ വിവിധ സ്ഥലങ്ങളിൽ നിന്നുള്ള ഇളനീർ കുല വരവുകൾ വൈകുന്നേരം ക്ഷേത്രസന്നിധിയിൽ എത്തിച്ചേരുന്നു. തുടർന്ന് 7 30ന് സർപ്പബലിയും നടക്കുന്നു.
28 ന് വെള്ളിയാഴ്ച വലിയ വിളക്ക് ദിവസം വൈകുന്നേരം ശ്രീബലി. ഏഴുമണിക്ക് കോഴിക്കോട് അഭിനയ അവതരിപ്പിക്കുന്ന കേരള സിംഹം പഴശ്ശിരാജ എന്ന നാടകവും ഉണ്ടായിരിക്കും. മാർച്ച് ഒന്നാം തീയതി താലപ്പൊലി മഹോത്സവ ദിവസം വൈകുന്നേരം ആഘോഷവരവുകളും, ഭഗവതി, ഭഗവതിറ എന്നീ തറയാട്ടങ്ങളും കൂടാതെ താലപ്പൊലി എഴുന്നള്ളിപ്പ് എന്നിവ നടക്കും. തുടർന്ന് വിവിധ തിറയാട്ടങ്ങളും നടക്കും. 1.30ന് നാന്തകം എഴുന്നള്ളിപ്പ് ആരംഭിക്കും.
