പ്രസവ പരിചരണ കേന്ദ്രത്തിൽ കഴിഞ്ഞിരുന്ന യുവതിയുടെ നഗ്ന ദൃശ്യങ്ങൾ കാമുകന് കൈമാറിയ ജീവനക്കാരി അറസ്റ്റിൽ
മലപ്പുറം: വെളിയങ്കോടുള്ള പ്രസവ പരിചരണ കേന്ദ്രത്തിൽ കഴിഞ്ഞിരുന്ന യുവതിയുടെ നഗ്ന ദൃശ്യങ്ങൾ കാമുകന് കൈമാറിയ ജീവനക്കാരി അറസ്റ്റിൽ. മാറഞ്ചേരി പുറങ്ങ് സ്വദേശിനി ഉഷയെ (24) പൊന്നാനി പൊലീസ് അറസ്റ്റ് ചെയ്തു. വീഡിയോ കോൾ വഴിയാണ് ഇവർ കാമുകന് യുവതിയുടെ നഗ്ന ദൃശ്യങ്ങൾ നൽകിയത്.
.
.
പരിചരണത്തിന്റെ ഭാഗമായി യുവതി കുഴമ്പ് തേച്ച് കിടക്കുന്നതിനിടെ ജീവനക്കാരി കാമുകന് വീഡിയോ കോൾ ചെയ്ത് യുവതിയുടെ നഗ്ന ദൃശ്യങ്ങൾ നല്കുകയായിരുന്നു. ഇത് പരിചരണകേന്ദ്രത്തിലെ മറ്റൊരു സ്ത്രീയുടെ ശ്രദ്ധയിൽ പെടുകയും അവർ വിവരം ചികിത്സയിലുള്ള യുവതിയെ അറിയിക്കുകയുമായിരുന്നു.
.
.
ചികിത്സയിലുള്ള യുവതി ഉടൻ തന്നെ ബന്ധുക്കളെ വിവരമറിയിച്ചു. ഇവർ ജീവനക്കാരിയുടെ ഫോൺ പരിശോധിച്ചു. ഫോണിൽ വീഡിയോ കോൾ ചെയ്തതായി മനസ്സിലായതോടെ ബന്ധുക്കൾ പൊന്നാനി പൊലീസിന് പരാതി നൽകി. തുടർന്ന് പരിചരണ കേന്ദ്രത്തിലെത്തിയ പൊലീസ് പ്രതിയെ അറസ്റ്റ് ചെയ്യുകയും കേസെടുക്കുകയും ചെയ്തു. ഇവരുടെ ആൺ സുഹൃത്തിനെതിരെയും കേസ് കേസെടുത്തിട്ടുണ്ട്.
