ബാലസംഘം സംസ്ഥാന സമ്മേളനത്തിന്റെ സ്വാഗതസംഘം ഓഫീസ് തുറന്നു
കോഴിക്കോട്: ബാലസംഘം സംസ്ഥാന സമ്മേളനത്തിന്റെ സ്വാഗതസംഘം ഓഫീസ് കോവൂരിൽ പ്രവർത്തനമാരംഭിച്ചു. മന്ത്രി പി എ മുഹമ്മദ് റിയാസ് ഉദ്ഘാടനം ചെയ്തു. സ്വാഗതസംഘം ചെയർമാൻ കെ കെ ലതിക അധ്യക്ഷത വഹിച്ചു. സംസ്ഥാന വൈസ്‌ പ്രസിഡണ്ട് സന്ദീപ്, ജില്ലാ സെക്രട്ടറി സി അജയ് രാജ്, ജില്ലാ കൺവീനർ ജി സുന്ദരൻ, കോ ഓർഡിനേറ്റർ പി ശ്രീദേവ്, ഡിവൈഎഫ്ഐ സംസ്ഥാന പ്രസിഡണ്ട് വി വസീഫ്, സിപിഐ എം ടൗൺ ഏരിയാ സെക്രട്ടറി കെ ദാമോദരൻ, സ്വാഗതസംഘം കൺവീനർ പി നിഖിൽ എന്നിവർ സംസാരിച്ചു.
സംസ്ഥാന സമ്മേളനം 30, 31 തീയതികളിൽ കോവൂർ പി കൃഷ്ണപിള്ള മെമ്മോറിയൽ കമ്യൂണിറ്റി ഹാളിൽ (കെ വി രാമകൃഷ്ണൻ നഗറിൽ) നടക്കും. സംസ്ഥാന ജോ. സെക്രട്ടറി മീരാ ദർശക് സ്വാഗതവും സംസ്ഥാന സെക്രട്ടറി എൻ ആദിൽ നന്ദിയും പറഞ്ഞു.
