ചേലിയ കഥകളി വിദ്യാലയം നവരാത്രി ആഘോഷ പൊലിമയിൽ
ചേലിയ കഥകളി വിദ്യാലയം നവരാത്രി ആഘോഷ പൊലിമയിൽ. വിജയ ദശമി നാളിൽ വിവിധ ക്ലാസുകളിലേക്കുള്ള പ്രവേശന നടപടികൾ ആരംഭിക്കുന്നു. ആരാധ്യനായ പത്മശ്രീ ഗുരു ചേമഞ്ചേരിയുടെ സ്മരണയിൽ ചേലിയ കഥകളി വിദ്യാലയം നവരാത്രി ആഘോഷ പരിപാടികളുടെ നിറവിൽ. ആഗസ്ത് 10 വ്യാഴാഴ്ച പൂജ വെയ്പ്പ്. 11 വെള്ളിയാഴ്ച സംഗീതാർച്ചന, വാദ്യാർച്ചന എന്നിവ അരങ്ങേറും.
12 ശനിയാഴ്ച മഹാനവമി ദിനത്തിൽ കഥകളി വിദ്യാലയം സ്ഥിരം വേദിയിൽ ശാസ്ത്രീയ നൃത്തങ്ങൾ, തിരുവാതിരക്കളി, കഥകളി എന്നിവ അരങ്ങേറും. 13 ന് വിജയദശമി ദിനത്തിൽ ഗുരു സ്മരണയിൽ വിവിധ ക്ലാസുകളിലേക്കുള്ള പ്രവേശനം, വിദ്യാരംഭം എന്നിവ കഥകളി വിദ്യാലയം രംഗമണ്ഡപത്തിൽ നടക്കും.
13 ന് വൈകീട്ട് 3 മുതൽ സമാപന പരിപാടികൾ കൊയിലാണ്ടി നഗരസഭാ ടൗൺ ഹാളിലാണ് നടക്കുന്നത്. കേരള സാഹിത്യ അക്കാദമി പുരസ്കാര ജേതാക്കളായ ഡോക്ടർ എം.ആർ. രാഘവ വാരിയർ, കവി കല്പറ്റ നാരായണൻ എന്നിവരെ ആദരിക്കും. തുടർന്ന് നൃത്ത, വാദ്യ, സംഗീത വിദ്യാർത്ഥികളുടെ ആദ്യാവതരണങ്ങൾ അരങ്ങേറും.
