പെൻഷൻ മസ്റ്ററിംഗ് സമയപരിധി സെപ്റ്റംബർ 30 വരെ നീട്ടി

തിരുവനന്തപുരം: സാമൂഹ്യസുരക്ഷ പെൻഷൻ മസ്റ്ററിംഗ് തിയ്യതി നീട്ടി സർക്കാർ ഉത്തരവിറക്കി. 2024 സെപ്റ്റംബർ 30 വരെയാണ് ദീർഘിപ്പിച്ചത്. 2023 ഡിസംബർ 31 വരെയുള്ള സാമൂഹ്യ സുരക്ഷ / ക്ഷേമനിധി ബോർഡ് പെൻഷൻ അനുവദിക്കപ്പെട്ട ഗുണഭോക്താക്കൾക്ക് വാർഷിക മസ്റ്ററിങ് ചെയ്യുന്നതിനായുള്ള സമയപരിധിയാണ് 2024 സെപ്റ്റംബർ 30 വരെ ദീർഘിപ്പിച്ചത്. ഈ സമയത്തിനുള്ളിൽ എല്ലാ പെൻഷനേഴ്‌സും മസ്റ്ററിങ്ങ് നടത്തണമെന്ന് ഉത്തരവിൽ പറയുന്നു. ഇനി നീട്ടി നൽകില്ലെന്നും ധനകാര്യ വകുപ്പ് അറിയിച്ചു.