മുഖ്യമന്ത്രിയുടെ ദുരിതാശ്വാസനിധിയിലേക്ക് രണ്ട് കോടി നൽകി പ്രഭാസ്
തിരുവനന്തപുരം: മുഖ്യമന്ത്രിയുടെ ദുരിതാശ്വാസ നിധിയിലേക്ക് രണ്ട് കോടി രൂപ സംഭാവന നൽകി ചലച്ചിത്ര താരം പ്രഭാസ്. കേരളം നേരിട്ട ഏറ്റവും വലിയ ദുരന്തമാണ് വയനാട്ടിൽ സംഭവിച്ചതെന്നും ഈ സാഹചര്യത്തിൽ എല്ലാവരും കേരളത്തിന് ഒപ്പം നിൽക്കണമെന്നും പ്രഭാസ് പറഞ്ഞു.
നേരത്തെ പ്രളയകാലത്തും കേരളത്തിന് പ്രഭാസ് സാമ്പത്തിക പിന്തുണ നൽകിയിരുന്നു. സിനിമ രംഗത്തുനിന്ന് നിരവധി പേർ വയനാടിന് സഹായവുമായി എത്തിയിരുന്നു. നടൻമാരായ ചിരഞ്ജീവിയും രാംചരണും ചേർന്ന് ഒരു കോടി രൂപ നൽകിയിരുന്നു. അല്ലു അർജുൻ 25 ലക്ഷവും രശ്‌മിക മന്ദാന 10 ലക്ഷവും നൽകിയിരുന്നു.
