എൻഎസ്എസ് വളണ്ടിയർമാർ കൊയിലാണ്ടി ജിവിഎച്ച്എസ്എസ് ലൈബ്രറിക്ക് പുസ്തകങ്ങൾ കൈമാറി
കൊയിലാണ്ടി: ജിവിഎച്ച്എസ്എസ് കൊയിലാണ്ടി ഹയർ സെക്കൻഡറി വിഭാഗം എൻഎസ്എസ് വളണ്ടിയർമാർ ഒത്തുചേർന്ന് സ്കൂൾ ലൈബ്രറിയിലേക്ക് പുസ്തകങ്ങൾ ശേഖരിച്ചുനൽകി. ‘പൊലിമ’എന്ന പരിപാടിയുടെ ഉദ്ഘാടനം വിഎച്ച്എസ്ഇ വിഭാഗം പ്രിൻസിപ്പലും എഴുത്തുകാരനുമായ ബിജേഷ് ഉപ്പാലക്കൽ നിർവഹിച്ചു. ഫൈസൽ പൊയിൽക്കാവ് പുസ്തകങ്ങൾ ഏറ്റുവാങ്ങി. സ്കൂൾ പ്രിൻസിപ്പാൾ പ്രദീപ് കുമാർ എൻ.വി ആധ്യക്ഷത വഹിച്ചു.
ചടങ്ങിൽ ബിനില വി, പ്രശാന്ത് എൻ, ദേവാഞ്ജന വിനോദ് എന്നിവർ ആശംസകൾ അർപ്പിച്ച് സംസാരിച്ചു എൻഎസ്എസ് വളണ്ടിയർ നിയ പി ഷിനോദ് സ്വാഗതവും അശ്വന്ത്. പി നന്ദിയും പറഞ്ഞു.
