എറണാകുളം ചെറായി ബീച്ചിൽ കുളിക്കാനിറങ്ങിയ രണ്ട് പേരെ കാണാതായി; തെരച്ചിൽ തുടരുന്നു
എറണാകുളം ചെറായി ബീച്ചിൽ കുളിക്കാനിറങ്ങിയ രണ്ട് പേരെ കാണാതായി. വൈകിട്ട് മൂന്നരയോടെയാണ് സംഭവം. രണ്ട് സംഘങ്ങളിലായെത്തിയവരെയാണ് കാണാതായത്. ആറ് പേരാണ് തിരയിൽപ്പെട്ടത്, ഇതിൽ നാല് പേരെ രക്ഷിക്കാനായി. കാണാതായ രണ്ടുപേർക്കായി കോസ്റ്റൽ പൊലീസും ഫയർഫോഴ്സും തെരച്ചിൽ തുടരുന്നു. കാണാതായതിൽ ഒരാൾ നെടുമ്പാശ്ശേരി വിമാനത്താവളത്തിലെ താൽക്കാലിക ജീവനക്കാരനാണ്.
