എളമ്പിലാടിനെ പ്ലാസ്റ്റിക് കവർ മുക്തമാക്കാൻ തുണി സഞ്ചിയുമായി വിദ്യാർത്ഥികൾ
ചിങ്ങപുരം: എളമ്പിലാട് പ്രദേശത്തെ പ്ലാസ്റ്റിക് കവർ മാലിന്യത്തിൽ നിന്ന് രക്ഷിക്കാനായി ലോക പരിസ്ഥിതി ദിനത്തിൽ വന്മുകം – എളമ്പിലാട് എം.എൽ.പി.സ്കൂൾ വിദ്യാർത്ഥികൾ പ്രദേശത്തെ വീടുകളിലും, സ്കൂളിലെ മുഴുവൻ കുട്ടികൾക്കും പി.ടി.എ. യുടെ സഹായത്തോടെ തയ്യാറാക്കിയ തുണിസഞ്ചി വിതരണം നടത്തി.
മൂടാടി കൃഷി ഓഫീസർ പി. ഫൗസിയ സ്കൂകൂളിനു സമീപത്തെ വീട്ടിൽ തുണിസഞ്ചി വിതരണം ചെയ്തുകൊണ്ട് ഉദ്ഘാടനം ചെയ്തു. പി.ടി.എ. പ്രസിഡണ്ട് ബി. ലീഷ്മ അധ്യക്ഷത വഹിച്ചു. പ്രധാനാധ്യാപിക എൻ.ടി.കെ. സീനത്ത്, എസ്.ആർ.ജി. കൺവീനർ പി.കെ. അബ്ദുറഹ്മാൻ, പി. നൂറുൽ ഫിദ, സി. ഖൈറുന്നിസാബി, വി.ടി. ഐശ്വര്യ എന്നിവർ സംസാരിച്ചു.
