കോർപ്പറേറ്റുകളെ സഹായിക്കാനാണ് നരേന്ദ്രമോദി കറൻസി പിൻവലിച്ചത്: മുല്ലക്കര രത്‌നാകരൻ
കൊയിലാണ്ടി: കോർപ്പറേറ്റുകൾക്ക് യഥേഷ്ടം സാമ്പത്തിക സഹായം നൽകുന്നത് ദേശസാൽകൃത ബാങ്കിലേക്ക് സാധാരണക്കാരന്റെ കാശ് നിക്ഷേപിക്കുതിനുള്ള തന്ത്രമാണ് പ്രധാനമന്ത്രി നരേന്ദ്ര മോദി കറൻസി പിൻവലിക്കലിലൂടെ ചെയ്തതെന്ന് മുല്ലക്കര രത്‌നാകരൻ എം.എൽ.എ. സഖാവ് ജയപ്രകാശിന്റെ 25ാം രക്തസാക്ഷിത്വ ദിനത്തിന്റെ ഭാഗമായി കൊയിലാണ്ടിയിൽ നടന്ന അനുസ്മരണ സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. എ.ഐ.വൈ.എഫ്. ജില്ലാ പ്രസിഡണ്ട് എൻ.എം. ബിജു അദ്ധ്യക്ഷത വഹിച്ചു. ജെ.എൻ.യു. എ.ഐ.എസ്.എഫ് നേതാവ് അപരാജിതരാജ, അജയ് ആവള, അഡ്വ.എസ്.സുനിൽ മോഹൻ, കെ.കെ.ബാലൻ മാസ്റ്റർ, കെ.സന്തോഷ്, കെ.എസ്.രമേശ് ചന്ദ്ര, അഷ്‌റഫ് പൂക്കാട് എന്നിവർ സംസാരിച്ചു.
