കുറുവങ്ങാട് മണക്കുളങ്ങര ക്ഷേത്ര മഹോത്സവം ഫെബ്രുവരി 10 മുതൽ 14 വരെ
കൊയിലാണ്ടി: കുറുവങ്ങാട് മണക്കുളങ്ങര ക്ഷേത്ര മഹോത്സവം ഫെബ്രുവരി 10 മുതൽ 14 വരെ നടക്കും. ക്ഷേത്രം തന്ത്രി നരിക്കുനി ഇടമന മോഹനൻ നമ്പൂതിരി, മേൽ ശാന്തി പ്രദീപ് നമ്പൂതിരി എന്നിവർ മുഖ്യകാർമ്മികത്വം വഹിക്കും. 10-ന് കാലത്ത് 9 മണിക്ക് കലവറ സമർപ്പണം, ദീപാരാധന, വൈകീട്ട് 6-40ന് തിരുവാതിരക്കളി, തായമ്പക, പുറത്തെഴുന്നള്ളിപ്പ്’, സോപാന നൃത്തം, രാത്രി 7 മണിക്ക് കലാ സന്ധ്യ, 11ന് കാലത്ത് 10 മണിക്ക് ഭക്തി ഗാനാമൃതം, വൈകീട്ട് 6.30ന് തായമ്പക, പുറത്തെഴുന്നള്ളിപ്പ്, രാത്രി 7 മണിക്ക് ഗുജറാത്തി നൃത്തം, 7.30ന് സംഗീത വിരുന്ന്, കരിമരുന്ന് പ്രയോഗം.
12 ന് കാലത്ത് വിശേഷാൽ പൂജകൾ, 9 മണിക്ക് ആറാട്ട് കുട വരവ്, വൈകീട്ട് 5 മണിക്ക് സോപാന സംഗീതം, 6-30 മണിക്ക് ഇരട്ടതായമ്പക, വാദ്യസമേതം പുറത്തെഴുന്നെള്ളിപ്പ്, രാത്രി 8 മണിക്ക് മെഗാ ഗാനമേള (കലിക്കറ്റ് റിയൽ ടോൺ എൻ്റർടെയ്നേഴ്സ് ), 10 മണിക്ക് കരിമരുന്ന് പ്രയോഗം. 13ന് ഉച്ചാൽ മഹോത്സവം. കാലത്ത് 5 മണിക്ക് വിശേഷാൽ പൂജകൾ, 9 മണിക്ക് കൊടിയുയർത്തൽ, ഉച്ചക്ക് പ്രസാദ ഊട്ട്, വൈകീട്ട് 4 മണിക്ക് പഞ്ചാരിമേളം, തണ്ടാൻ്റെയും അവകാശികളുടെയും വരവുകൾ, ആഘോഷ വരവുകൾ, 6-30 മണിക്ക് നട്ടത്തിയോടെ താലപ്പൊലി, വിശേഷാൽ തായമ്പക (ശുകപുരം ദിലീപ്, കാഞ്ഞിലശ്ശേരി വിനോദ് മാരാർ ), കരിമരുന്ന് പ്രയോഗം, ഭഗവതിത്തിറ, പുലർച്ചെ കലശം വരവ്.
14 ന് താലപ്പൊലി മഹോത്സവം. കാലത്ത് വിശേഷാൽ പൂജകൾ, ഉച്ചക്ക് 12-30ന് പ്രസാദ ഊട്ട്, വൈകീട്ട് 5 മണിക്ക് ആഘോഷ വരവുകൾ, ശിവക്ഷേത്രത്തിലേക്ക് എഴുന്നെള്ളിപ്പ് (കാഞ്ഞിലശ്ശേരി വിനോദ് മാരാർ, ശുകപുരം ദിലീപ് ), രാത്രി 11 മണിക്ക് കരിമരുന്ന് പ്രയോഗം, പുലർച്ചെ കോലം വെട്ടോടെ ഉത്സവ സമാപനം.
