ഇടുക്കിയില് വീണ്ടും അരിക്കൊമ്പന്റെ ആക്രമണം; സൂര്യനെല്ലിയില് വീട് തകര്ത്തു
ഇടുക്കി: ഇടുക്കിയില് വീണ്ടും അരിക്കൊമ്പന്റെ ആക്രമണം. സൂര്യനെല്ലി ആദിവാസി കോളനിയില് കയറിയ കൊമ്പന് ഒരു വീട് തകര്ത്തു. വീടിന്റെ അടുക്കളയും മുന് വശവും ഇടിച്ചു തകര്ക്കുകയായിരുന്നു. കോളനിയിലെ ലീലയുടെ വീടാണ് കൊമ്പന് ആക്രമിച്ച് തകര്ത്തത്. ഈ സമയത്ത് ലീലയും മകളും മകളുടെ കുഞ്ഞും വീട്ടിലുണ്ടായിരുന്നു. ഇവര് ഓടി രക്ഷപ്പെടുകയായിരുന്നു.
