മഴ നനഞ്ഞൊരു മഞ്ഞ വെയിൽ പോലെ കവിതാ സമാഹാരം ശനിയാഴ്ച പ്രകാശനം ചെയ്യും

കൊയിലാണ്ടി; ഗ്രാൻമ ബുക്ക്‌സ് പ്രസിദ്ധീകരിക്കുന്ന ഷൈനി കൃഷ്ണയുടെ ” മഴ നനഞ്ഞൊരു മഞ്ഞ വെയിൽ പോലെ ” കവിതാ സമാഹാരം ശനിയാഴ്ച പ്രകാശനം ചെയ്യും. ഉച്ചക്ക് 3.30ന് കൊയിലാണ്ടി നഗരസഭ ഇ.എം.എസ്. ടൗൺഹാളിൽ വെച്ച് നടക്കുന്ന ചടങ്ങിൽ പ്രശസ്ത കവി പി.കെ. ഗോപി കവിയും എഴുത്തുകാരനുമായ സത്യചന്ദ്രൻ പൊയിൽക്കാവിന് കൈമാറി പ്രകാശം നിർവ്വഹിക്കുമെന്ന് സംഘാടകർ അറിയിച്ചു.

ചടങ്ങിൽ നഗരസഭ വൈസ് ചെയർമാൻ അഡ്വ. കെ. സത്യൻ അദ്ധ്യക്ഷതവഹിക്കും. സോമൻ കടലൂർ, സതീഷ് കെ. സതീഷ്, എം. എം. ചന്ദ്രൻ മാസ്റ്റർ, സജീവൻ മാണിക്കോത്ത് തുടങ്ങിയവർ സംസാരിക്കും. ഷൈനി കൃഷ്ണ മറുമൊഴി പ്രസംഗം നടത്തും.