സ്കൂള് മാര്ക്കറ്റ് ആരംഭിച്ചു
കൊടിയത്തൂര്: കൊടിയത്തൂര് സര്വ്വീസ് സഹകരണ ബാങ്കും കണ്സ്യൂമര്ഫെഡും സംയുക്തമായി ചുള്ളിക്കാ പറമ്പി
ല് സ്കൂള് മാര്ക്കറ്റ് ആരംഭിച്ചു. വിവിധ കമ്പനികളുടെ ഗുണമേന്മയുള്ള ബാഗുകള്, കുടകള്, നോട്ടു ബുക്കുകള്, ലഞ്ച് ബോക്സുകള് തുടങ്ങി സ്കൂള് വിദ്യാര്ത്ഥികള്ക്കാവശ്യമുള്ളതെല്ലാം സ്കൂള് മാര്ക്കറ്റില് കുറഞ്ഞ വിലയില് ലഭിക്കും.
നേരത്തെ ബാങ്ക് എരഞ്ഞിമാവില് ആരംഭിച്ച സ്കൂള് ബസാറില് നല്ല തിരക്കാണ് അനുഭവപ്പെടുന്നത്. പത്ത് ശതമാനം വരെ വിലകുറച്ചാണ് ഇവിടെ വില്പന. സ്കൂള് മാര്ക്കറ്റ് ബാങ്ക് സെക്രട്ടറി കെ. ബാബുരാജിന്റെ അദ്ധ്യക്ഷതയില് കണ്സ്യൂമര്ഫെഡ് വൈസ് ചെയര്മാന് ഇ. രമേശ്ബാബു ഉദ്ഘാടനം ചെയ്തു. ബാങ്ക് ബ്റാഞ്ച് മാനേജര് സി.ടി. അബ്ദുള് ഗഫൂര് സ്വാഗതവും കെ.വികാസ് നന്ദിയും പറഞ്ഞു.