വടകര കേന്ദ്രമായി എഞ്ചിനീയറിംഗ് കോളജ് അനുവദിക്കണം: കേരള കോണ്ഗ്രസ്
കൊയിലാണ്ടി: വടകര കേന്ദ്രമായി എഞ്ചിനീയറിംഗ് കോളജ് അനുവദിക്കണം: കേരള കോണ്ഗ്രസ്. കൊയിലാണ്ടി, വടകര താലൂക്കുകളിലെ ഉന്നത സാങ്കേതിക വിദ്യാഭ്യാസ പിന്നോക്കാവസ്ഥയ്ക്ക് പരിഹാരം കാണുന്നതിന് വടകര കേന്ദ്രമായി എന്ജിനീയറിംഗ് കോളജ് അനുവദിക്കണമെന്ന് കേരള കോണ്ഗ്രസ് – എം നിയോജക മണ്ഡലം കമ്മിറ്റി യോഗം സര്ക്കാരിനോട് ആവശ്യപ്പെട്ടു. കേരള കോണ്ഗ്രസ് – എം സംഘടന തെരഞ്ഞെടുപ്പ് വാര്ഡ്, മണ്ഡലം തലങ്ങളില് ജനുവരി 30 നകം നടത്താന് തീരുമാനിച്ചു. ജില്ലാ പ്രസിഡന്റ് ടി.എം ജോസഫ് ഉദ്ഘാടനം ചെയ്തു. അഡ്വ. സന്തോഷ് കുര്യന് അധ്യക്ഷത വഹിച്ചു. കെ.കെ.നാരായണന്, സിജോ വടക്കേന് തോട്ടം, വി.പി.ചന്ദ്രന്, പി.കെ.ബഷീര് എന്നിവര് സംസാരിച്ചു.